Avokati shumë i njohur, Spartak Ngjela, pasi i ezauroi të gjitha konsipiracionet për reformën në drejtësi dhe informacionet nga amerikanët, në këto ditë e ka drejtuar majën e shigjetës së tij nga kryeministri i ri i Greqisë, Kyriakos Mitsotakis.
Sipas Ngjelës, që bën një analizë tipike të stilit të tij 25-vjeçar, Mitsotakis është kryeministri më i paaftë grek në 3 dekadat e fundit
Duke marrë kompetenca sikur të ishte zëdhënësi i FBI-së dhe i Departamentit Amerikan të Shtetit për Shqipërinë dhe Ballkanin, Ngjela nuk ndalet dhe shkon më tej me përcaktimet e tij.
“Po ku ka forcë politika e kryeministrit grek, që të mundë politikën e madhe USA-BE ?”- shkruan Ngjela ndër të tjera në statusin e tij.
Deklarata e avokatit të shquar vjen edhe nga fakti, që qeveria e Republikës së Shqipërisë, historikisht nuk ka mbajtur ndonjë qëndrim ndaj qeverisë greke, apo qarqeve ekstremiste të këtij vendi.
Statusi i plotë i Spartak Ngjelës:
Kryeministri grek, për çeljen e negociatave të Shqipërisë, na paska dalë sot me një kusht për minoritetin grek në Shqipëri.
Cili është ky minoritet?
l.
Kryeministrat grekë, me ndonjë përjashtim, “minoritet grek” quajnë aneksimin e Jugut të Shqipërisë. Dhe, e dini pse? Se ata nuk mund të pranojnë që të ketë ortodoksë që të flasin shqip. Domethënë, shqiptarë. Sepse iu del zbuluar pushtimi i territoreve të gjera shqiptare, dhe gjithë politika e ndyrë që kanë bërë në 150 vjet kundrejt arvanitasve në Greqi dhe genocidit antishqiptar e antiçam në Epir.
Këta mesjetarë, pasi pushtojnë territoret shqiptare, me genocid, dëbojnë nga tokat e tyre shqiptarët myslimanë, si turq. Ky ka qenë turpi i tyre historik. Dhe këtë gjithmone ia ka pranuar edhe Stambolli; kurse pastaj, shqiptarët ortodoksë nuk i lënë të flasin shqip, dhe i detyrojnë të deklarohen “helenë”. Ja, kjo është metoda e tyre çnjerëzore kundër shqiptarëve në këta 150 vjetët e fundit.
Janë po këta, që, me anë të kishës greke, gjuhën shqipe e kanë quajtur “gjuhë të mallkuar”. Dhe, e dini pse? se gjuha shqipe është gjuha e parësore e gadishullit tonë, domethënë edhe e vetë Greqisë. Në shkollat greke nuk thellohen në atë që i thonë “greqishte e vjetër”, se ajo gjuhë mund të shpjegohet vetëm me gjuhën shqipe, sidomos me gegnishten.
E kuptoni tani se sa vuajnë këta kur shohin forcimin ndërkombëtar të Shqipërisë dhe Kosovës?
ll.
Por ky, në fakt është kryeministri më i paaftë grek. Do ta shihni.
Kryeministër! Asnjë kusht nuk vini dot ju shqiptarëve. Edhe Uashingtoni, edhe Berlini, edhe Brukseli, që të dyja gjeopolitikat e mëdha të botës perëndimore, e kanë përcaktuar Shqipërinë dhe Kosovën në zonën e vet.
Pse, kryeministri grek, që nuk di se ku ka kokën, do ta mundë këtë politikë të madhe! Le më pastaj injorantët liderë të Shqipërisë që shkojnë deri te Erdogani për të njëjtën gjë. Qesharakë janë këta ballkanas që nuk dinë asgjë dhe iu duket se dinë gjithçka.
Gjithsesi, lodhen kot së koti dhe fare kot.
lll.
Po ku ka forcë politika e kryeministrit grek që të mundë gjeopolitikën e madhe USA-BE!
Pse nuk e ka atë forcë?
E para, se grekë nuk ka as në Athinë e jo më në Shqipëri. Athina ka qenë e gjitha me shqiptarë të quajtur arbëreshë, si shqiptarët e Italisë së Jugut. Por çmendurisë greke po i vjen fundi.
E dyta: Greqia i ka Gjermanisë 350 miliardë Euro borxh. E di kryeministri grek që Shqipëria është aleate e ngushtë me politikën e Berlinit? Dhe, a e di ky që vota e Greqisë tanimë kondicionohet nga Berlini?
E pra, pse flet kështu kryeministri grek?
Sepse ka frikë nga potenca që po akumulon dhe do të akumulojë bota shqiptare në Ballkanin Perëndimor. Sidomos kjo do të shihet qartë pas përfundimit të reformës që ka nisur kundër liderëve të korruptuar të Shqipërisë, të gjithë të shitur te fqinjët dhe te armiqtë shekullorë të shqiptarëve dhe kundër botës shqiptare në Ballkanin Perëndimor.
Por, një gjë është e sigurt: kjo kohë e re po punon për shqiptarët. Prandaj, edhe kryeministri grek është mirë ta rregullojë gjuhën brenda kontekstit historik.
Ka edhe kështu, shembet ‘live’ studio e SYRI TV gjatë intervistës me Bashën
Syri Tv është televizioni më i ri në vend që tenton të futet në tregun e medieve 24 orë lajme. Këtë sezon të ri Syri Tv ka tentuar ta nisë fuqishëm me një intervistë me kreun e PD, Lulzim Basha, realizuar nga drejtori i këtij ekrani, Çim Peka.
Por jo çdo gjë ka shkuar siç pritej, pasi në minutat e para emisioni është ndërprerë nga një incident i pazakontë pasi siç duket edhe nga video më poshtë një nga kamerat është rrëzuar si dhe një nga panelet në studio duke shkaktuar një zhurmë të madhe.
Emisioni është ndërprerë për disa minuta dhe ngjarja ka habitur jo pak Bashën, por çdo gjë u kalua jo me pak skilet nga gazetari, i cili tha se “kishte pasur një problem teknik”.
