Atentate dhe grabitje, vëllezërit Kusi i kishin bërë të gjitha para se të vrisnin 26-vjeçarin për kondicionerin

Ngjarja e djeshme, ku 26-vjeçari, Indrit Çelaj mbeti i vrarë nga pronarët e një vile, pas një debati në lidhje me një kondicioner që nuk punonte siç duhej, ka shkaktuar një tronditje të madhe në opinionin publik.

Por dy vëllezërit, Griseldo dhe Albano Kusi, 31 dhe 28 vjeç nuk janë të panjohur për drejtësinë shqiptare, ose më sakt kemi të bëjmë me dy kriminale kalibri. Të dy vëllezërit nuk kishin lënë gjë pa bërë para se të vrisinin të riun në vendin e punës dje.

Albano Kusi në vitin 2010 kishte vrarë një njeriun e tij të afërt, Shkelqim Nozlli. Kjo ngjarje nga Gjykata u klasifikua si një krim i kryer në kushtet e aksidentit edhe pse motivi kishte qenë prishja e pazareve të drogës.

Po ashtu Albano së bashku me disa persona të tjerë grabitën një Kazino në 2010.  Nga kjo grabitje ka mbetur i plagosur me armë zjarri punonjësi e sigurisë në këtë kazino Nexhat Muca 34 vjeç.

Ndërsa vëllai tjetër, Griseldo Kusi në vitin 2011 i kishte bërë atentat Maksut Hysës, por nuk ia kishte dalë ta vriste, duke e lënë të plagosur.

Më gjithë këtë back ground të rënë kriminal këta dy vëllezër kriminel endeshin të lirë rrugëve të Tiranës dh u desh një tjetër vrasje që ata sot të jenë pas hekurave.