LIGJET E BIZNESIT
Atentat në zonën e Xhamllikut në Tiranë, ku ka mbetur i vrarë një person. Ai është identifikuar si Santijago Malko, 26 vjeç. Malko u qëllua me armë, teksa ecte me makinë.
“Sonte rreth orës 22:20 minuta, në rrugën “Xhanfize Keko”, persona ende të paidentifikuar kanë qëlluar me armë zjarri drejt një automjeti në lëvizje tip “BMË”. Për pasojë ka humbur jetën një i ri, 26-vjeçari S.M. Autorët dyshohet se janë larguar në drejtim të fshatit Ferraj, ku dhe kanë djegur mjetin e tyre, tip “Mercedes Benz”, bën të ditur Policia në njoftimin për shtyp për këtë ngjarje.
Viktima është një ish-punonjës policie dhe emër jo i panjohur për forcat blu. Ai ka qenë i përfshirë në një konflikt më herët me vëllezërit Lashi. Gjithashtu, dyshohet se viktima është pjesë e një grupi kriminal. Në vendngjarje janë drejtuesit më të lartë të policisë.
Ata po mbledhin prova për të identifikuar autorët e kësaj ngjarje të rëndë. Ndërkaq Policia bën me dije gjithashtu, se shërbime të shumta policore kanë ngritur disa pika kontrolli në kryeqytet dhe janë vënë në ndjekje të autorëve.
“Specialistë nga Sektori për Krimet e Rënda në Drejtorinë Vendore të Policisë Tiranë janë angazhuar si pjesë e grupit të posaçëm hetimor për zbardhjen e ngjarjes dhe vënien para përgjegjësisë ligjore të autorëve. Policia e Shtetit fton këdo që ka dijeni për rrethanat e krimit të telefonojë falas në numrin 112!”, theksohet në njoftimin e forcave blu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
