Një ngjarje e rëndë ka ndodhur ditën e djeshme në Wolfsburg në Gjermani ku një 19-vjeçar shqiptar është vrarë me breshëri plumbash në një atentat.
Mësohet se i riu me origjinë nga Burreli është identifikuar si Keidi Pasha, i cili është qëlluar me armë nga një makinë në ecje teksa kishte dalë me kushëririn e tij.
Drejt tij u qëllua me 6 plumba, në kohën që po kalonte rrugën.
Si pasojë e breshërisë u plagos edhe kushëriri, i cili ndodhet në gjendje të rëndë në spital.
Ende nuk dihen arsyet e këtij krimi të rëndë, ndërkohë që policia po heton mbi çdo pistë të mundshme.
