LIGJET E BIZNESIT
Aksionerët e kompanive kanë afat deri më 20 gusht për të përfituar nga lehtësia fiskale që qeveria aplikoi për ta, uljen e dividentit në 8%. Drejtoria e Përgjithshme e Tatimeve njofton se në zbatim të ligjit “Për tatimin mbi të ardhurat”, i ndryshuar, tatimi mbi dividentin për fitimet e pashpërndara të realizuara në vitin 2018, përfshirë rezervat dhe fitimet e kapitalizuara, është në shkallën 8%, nëse këtë pagesë e kryeni brenda datës 20 gusht 2019.
“Po kështu, do të aplikohet shkalla tatimore 8% për fitimet e pashpërndara, të realizuara në vitet 2017 e më parë përfshirë, me kushtin që tatimi të paguhet brenda datës 30 shtator 2019”, theksohet në njoftimin e tatimeve.
Administrata bën të ditur gjithashtu, se në rast se nuk zbatohen kushtet e mësipërme për vitet 2018 e më përpara, tatimpaguesi do të paguajë 15% tatim mbi dividentin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
