Akuzat e PD për Valdrin Pjetrin, Prokuroria: I morëm shenjat e gishtërinjve

Prokuroria e Përgjithshme i ka kthyer përgjigje Partisë Demokratike për Valdrin Pjetrin. Në një letër drejtuar PD-së, organi i akuzës bën me dije se ka nisur verifikimin ndaj figurës së Pjetrit, që më 6 gusht 2019.

Ndërkohë, vetëm pak ditë para kësaj date, përkatësisht më 2 gusht 2019, PD iu drejtua Prokurorisë me një letër publike, duke i kërkuar të verifikonte figurën e Pjetrit, pasi sipas opozitës, ka qenë i dënuar në Itali për trafik droge.

“Procesi i verifikimit që më datë 6 gusht 2019. Shkresa iu dërgua zyrës së Gjendjes Gjyqësore. Shkresa iu dërgua për verifikim edhe policisë. Pjetrit iu kërkua të depozitojë gjurmët daktoliskopike”, thuhet në reagimin e Prokurorisë.

I zgjedhuri i 30 qershorit si kryebashkiak i Shkodrës, Valdrin Pjetri, një ditë më parë u tërhoq nga posti, për t’u përballur me ligjin si qytetar i thjeshtë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern