Aktorja e njohur i përvishet Ramës: Kush mban përgjegjësi për rrënimin e Teatrit?

Kryeministri Edi Rama herë pas here ka postuar në profiling e tij qëndrime të aktorëve të ndryshëm të cilët janë pro shembjes së godinës së Teatrit Kombëtar.

Dy ditë më parë Rama publikoi dhe mesazhin e aktores së njohur Ema Andrea, ku sipas tij edhe ajo bënte pjesë në grupin e aktorëvë të cilët mbështesin shembjen e Teatrit.

Por aktorja Andrea është kundërpërgjigjur mesazhit të Ramës duke I kërkuar llogari se kush do të mbajë përgjegjësi për Teatrin Kombëtar, godina e së cilit është lënë të rrënohet.

Do kisha dashur të ishin në këtë faqe, emrat e shume artistëve shqiptare, (që nuk jetojnë jashtë Shqipërie) për sukseset e tyre, për veprat e tyre, jo aq për vëmendjen Tuaj personale, sa për besimin, se meritojnë mirënjohje institucionale, për vlerën e veprës së tyre e cila do ndërtojë kujtesën e së ardhmes. Do kisha dashur të vlerësohen përpara se të vdesin. Por morëm vëmendjen Tuaj, për këtë rast. Tuajën dhe të atij publiku qe nuk ka qenë asnjëherë në Teatër! E meqë kemi edhe vëmendjen Tuaj, edhe të atyre që nuk kanë qenë asnjëherë në teatër, me lejoni të përsëris: të mbajë/në përgjegjësi kushdo ka lejuar që godina të rrënohet e të rrezikojë jetën e artistëve, të cilet kanë krijuar në kushte aspak dinjitoze dhe spektatorëve të teatrit Do të ndodhe vallë?“, i shkroi ajo poshtë postimit.

Aktorja tha se beson që shumë shpejt do të kemi në këtë faqe, edhe opinionin publik të drejtuesve te TK, të cilët mbartin vlerat e përgjegjësive që Ju i keni besuar! “Dhe, Po, ëndërroj një teatër të ri, 10 teatro të rinj Kombëtarë e alternativë, ashtu si një piktor ëndërron një mur pa lagështirë për veprat e tij, por kjo nuk mjafton! Duhet një sistem ku artistët të kenë hapësira krijuese e konkurruese! Një sistem përmes të cilit artisti të mund të jetojë me dinjitet me profesionin e tij, i pavarur nga listat e të gjitha niveleve! Flm!”, ka shkruar ajo.