Aksident tragjik në Itali, mungesa e rripit të sigurimit u merr jetën dy shqiptarëve (EMRAT)

Një aksident tragjik ka ndodhur të dielën në mëngjes në Itali, ku dy të rinj shqiptarë kanë humbur jetën si pasojë e mungesës së rripave të sigurimit.

Mediat Italiane shkruajnë se ngjarja ndodhi në zonën e Villorba, Treviso, në orën 6 të mëngjesit, kur një automjet papritmas humbi kontrollin dhe doli nga rruga duke u përplasur me një mur betoni që rrethon oborret e Pedemontana.

Si pasojë e përplasjes makina u rrotullua dhe doli në një fushë ngjitur me rrugën.

Ambulanca u njoftua nga kalimtarët e rastit por dy shqiptarët nuk kanë mundur ti shpëtojnë plagëve të marra në aksident dhe humbën jetën në vendin e ngjarjes.

Viktimat janë 24-vjeçari Dorian Myftaraj i cili jetonte në Shqipëri por kohët e fundit ndodhej në Itali, sic shkruajnë mediat italiane dhe 35-vjeçari që jetonte në shtetin fqinj Rruzhdi Karreci, banor i Spresiano, por me origjinë nga Durrësi, tashmë i njohur për policinë pasi ishte arrestuar në 27 korrik 2018.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

36-vjeçari Karreci, ishte arrestuar pasi ishte kapur me kokainë.