Aksident në Gjirin e Lalëzit, makina merr flakë pas përplasjes, plagoset babai me dy fëmijët

Një aksident i rëndë ka ndodhur mbrëmë pas mesnate në Gjirin e Lalëzit.

Një makinë është përplasur me bordurën në rrugë dhe më pas është përfshirë nga flakët.

Si pasojë ka mbetur i dëmtuar drejtuesi i mjetit, shtetasi B.K 53 vjec dhe dy fëmijët e tij.

Aktualisht të plagosurit ndodhen në spital.

Policia ka nisur hetimet për të zbardhur shkaqet dhe rrethanat e aksidentit.

NJOFTIMI ZYRTAR I POLICISE

Më datë 01.08.2019, rreth orës 00:35, në aksin rrugor Maminas-Gjiri i Lalëzit, shtetasi B.K.,53 vjeç, banues në Tiranë, duke drejtuar automjetin e tij ka humbur kontrollin dhe është përplasur me bordurën, për pasojë mjeti ka marrë flakë dhe janë dëmtuar lehtë drejtuesi i mjetit, si dhe dy fëmijët e tij, 10 e 16 vjeç, të cilët ishin pasagjer në mjet.
Grupi Hetimor ndodhet në vendngjarje dhe po punon për zbardhjen e plotë të ngjarjes.