Një aksident i rëndë me pasojë vdekjen ka ndodhur sot në Farkë të Tiranës.
Mësohet se motorri me të cilin po udhëtonte një 55-vjeçar është përplasur me një autobus.
Si pasojë e përplasjes së fortë ka humbur jetën drejtuesi i motorrit, shtetasi me iniciale Sh.S.
Policia dhe grupi hetimor po punojnë për zbardhjen e plotë të rrethanave dhe shkaqeve të aksidentit.
NJOFTIMI ZYRTAR I POLICISE
Rreth orës 11:00 në rrugën që të çon në Farkë të Vogël, motoçikleta me drejtues shtetasin SH. S., 55 vjeç është përplasur me autobusin me drejtues H. P., 51 vjeç.
Si pasojë e përplasjes dhe plagëve të marra, ka ndërruar jetë për në spital drejtuesi i motoçikletës, shtetasi SH.S.
Drejtuesi i autobusit, shtetasi H. P. L, është shoqëruar në Komisariat për veprime të mëtejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit.
