Një aksident automobilistik ka ndodhur në rrugët e Londrës, ku një Audi Q7 ka marrë përpara 11 makina luksoze.
Pamjet janë publikuar nga Daily Mail, ku duken makinat e shkatërruara si pasojë e përplasjes dhe kosto e përllogaritur e këtij aksidenti shkon në vlerën e një million paund.
Mes makinave të shkatërruara janë një Mc Laren me vlerë 200 mijë paund, një Porsche 40 mijë paund dhe një Bentley 200 mijë paund.
Dëshmitarët e ngjarjes kanë folur të alarmuar për zhurmën e fortë që dëgjuan që përngjasonte me rrëzimin e një helikopteri.
