Aksident i rëndë në Itali, humbin jetën dy shqiptarë

Një aksident i rëndë automobilistik u ka marrë jetën 2 shqiptarëve në Itali. Ngjarja ndodhi në orën 01:15 të kësaj të shtune.

Mediat vendase lajmërojnë se dy shqiptarë kanë humbur jetën në aksin rrugor Bolonja-Taranto, afër zonës komunale të Gateos, midis Riminit dhe Çezenës.

Nga një rindërtim i parë i fakteve, rezulton se makina e tyre, një “Renault Clio”, ishte e ndaluar në rrugë, kur u godit nga një “Volkswagen Passat” që vinte nga pas. Në bordin e makinës së dytë ishin tre persona, me origjinë italo-zvicerane dhe të gjithë pësuan lëndime të lehta.

Ndërkaq, ndërroi jetë shoferi i Clios, një 28-vjeçar dhe gruaja që ndodhej me të, 38 vjeçe, të dy shqiptarë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern