Një aksident i rëndë automobilistik ka ndodhur dje në mesnatë në Itali.
Mësohet se një shqiptar emigrant në vendin fqinj, ka përplasur për vdekje dy punëtorë italianë që po punonin për sinjalizimin rrugor të autostradës, në një kandierë ndërtimi të bllokuar nga qarkullimi rrugor.
Sipas mediave italiane ngjarja ka ndodhur në kilometrin e 9 të autostradës A14 në afërsi të Bolonjës.
62-vjeçari shqiptar ka qenë duke drejtuar mjetin e tij, kur ka humbur kontrollin, duke shkatërruar gardhin rrethues të kantierit dhe përplasur për vdekje punëtorët Antonio Pizutelli, 38 vjeç, dhe Salvatore Vani, 45 vjeç.
Të dy italianët kanë ndërruar jetë në vendngjarje, ndërsa shqiptari po hetohet për vrasje të qëllimshme.
