LIGJET E BIZNESIT
Deputetja Rudina Hajdari ka dalë në mbrojtje të ministres Etilda Gjonaj, që ditët e fundit ka përfunduar në shënjestër të medieve për shpenzimet e larta për udhëtimet që bën jashtë vendit.
Në një postim në rrjetet sociale, Hajdari e quan këtë rast, si një sul të orkestruar dhe që qëllimi i vetëm është të hidhet baltë.
“Ndonëse Etilda Gjonaj është pjesë e mazhorancës, nuk më duket normale të sulmohet një grua politikane mbi baza të rëndomta, që nuk kanë lidhje me profesionin e saj. Njerëz që kurdisin gjëra kaq banale nuk e kanë as tagrin të bëjnë moral, thjesht gjejnë alibi për të hedhur baltë”, shkruan Hajdari.
Pak ditë më parë, u publikuan faturat e rezervimeve ku ministrja Etilda Gjonaj ka shkuar përgjatë vitit 2018, ku rezultonte se Gjonaj ka harxhuar rreth 700 euro nata për t’u akomoduar në hotelet më luksoze europiane.
