Zyrtare, Vllaznia zgjedh trajnerin e ri, i beson një maqedonasi

Pas shumë dilemash dhe me një vonesë të madhe, Vllaniza e ka zyrtarizuar trajnerin e ri. Klubi kuqezi ka bërë të ditur se nga sezoni i ri do të drejtohet nga trajneri Mirsad Jonuz. Ky i fundit vjen nga Maqedonia e Veriut dhe ka një CV të pasur në karrierën e tij.

Trajneri maqedonas gjatë karrierës së tij në drejtim ka punuar me disa ekipe duke filluar nga ai i Rabotniçkit, për të vazhduar me Pobeda Prilep, para se të merrte drejtimin e kombëtares U21 të Maqedonisë të cilën do ta drejtonte nga vitet 2003-2009. Në këtë vit i është besuar drejtimi i ekipit të parë të kombëtares së vendit fqinj. Në krye të kombëtares maqedonase ka qëndruar për dy vite duke e drejtuar në 30 ndeshje.

Për Vllazninë ky është hapi i parë për ndërtimin e ekipit për sezonin e ardhshëm.