Kryetarja e Bashkisë Shkodër Voltana Ademi ka pasur një takim prej dy orësh me vëzhguesit afatgjatë të OSBE/ODIHR që monitoruan zgjedhjet në Shkodër me 30 qershor.
Ademi shkruan se iu ka vënë në dispozicion vëzhguesve të huaj fakte të shumta, materiale video dhe foto, si dhe dokumente shkresore që krijojnë një panoramë për atë që ka ndodhur para, gjatë dhe pas 30 qershorit.
Sipas kryebashkiakes, vëzhguesit kanë shprehur mjaft interes për të mbledhur sipas saj, çdo gjë të faktuar dhe të mbështetur në dokumentacionin që iu vu në dispozicion.
Reagimi i plotë:
Takim me vëzhguesit afatgjatë të OSBE/ODIHR që monitoruan “votimet” në Shkodër me 30 qershor. Informova zj. Katerina Duffkova dhe z. Christian Keilbach, duke i vënë në dispozicion fakte të shumta, materiale video dhe foto, dokumente shkresore që krijojnë një panoramë mjaft të qartë të asaj çfarë ka ndodhur para, gjatë dhe pas 30 qershorit në Shkodër.
Bashkëbiseduesit kanë qenë mjaft të interesuar për të mbledhur çdo gjë të faktuar dhe të mbështetur në dokumentacionin që iu vu në dispozicion.
Takimi me vëzhguesit afatgjatë të OSBE/ODIHR në Shkodër ka zgjatur më shumë se dy orë dhe në fund.
I falënderova për punën e kryer dhe realizimin e raportit paraprak të OSBE/ODIHR, i bërë publik nga ambasadorja Glover dhe raportin përfundimtar për “30 qershorin”, që do të krijojë një panoramë të qartë dhe të vertetë të të gjithë procesit.
