Vuçiç nuk e beson dorëheqjen e Haradinajt: Është mashtrim politik

Ka ardhur edhe reagimi i presidentit serb Aleksandër Vuçiç, pas dorëheqjes së kryeministrit të Kosovës, Ramush Haradinaj. Vuçiç e ka cilësuar këtë vendim të Haradinajt si një “mashtrim politik”.

Në bazë të raportimeve që bëjnë mediat serbe, Presidenti Vuçiç është shprehur se: “Dorëheqja e Haradinajt është mashtrim politik për të fituar më shumë popullaritet, por, Serbia duhet të tregojë maturi, qetësi e s’duhet të reagojë me eufori”.

Në konferencën për mediet, Vuçiç tha se i kupton pritjet e serbëve për drejtësi, dhe thirrjen nga Gjykata Speciale që Haradinaj të shkojë si i dyshuar për krime lufte.

“Nuk ka asnjë arsye për gëzim dhe eufori, sepse gjithçka duhet parë në aspekt tjetër, të shohim faktet dhe pasojat që vijnë pas atij akti”, tha Vuçiç.