LIGJET E BIZNESIT
Në seancën e sotme të Vetingut, Komisioni i Pavarur i Kualifikimit (KPK) ka shkarkuar nga detyra gjyqtaren pranë Gjykatës së Tiranës, Anila Guri Kristani.
Gjyqtarja ishte edhe kandidate për në Gjykatën Kushtetuese.
Pasi përfundoi hetimi administrativ për gjyqtaren Guri për tri kriteret, atë të deklarimit të pasurisë, të pastërtisë së figurës dhe profesionalizmit, problemet u hasën te pasuria.
Gjyqtares ju gjetën nga KPK probleme me pasurinë të vëna në dukje në raportin e Inspektoratit të Lartë të Deklarimit dhe Kontrollit të Pasurive e Konfliktit të Interesit, ILDKPKI. Sipas këtij raporti gjyqtarja Guri “nuk kishte kryer deklarim të saktë të pasurisë, s’ka burime të ligjshme, ka kryer fshehje e deklarim të rremë”.
Gjyqtarja Anila Guri (Kristani) e ka nisur karrierën e saj në korrik të vitit 1996 në Gjykatën e Rrethit Gjyqësor Tiranë, ku shërben prej më shumë se 23 vitesh.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
