Vëllai i tyre është lidhur me Dua Lipën, ja nga çfarë kanë frikë Gigi dhe Bella Hadid

Lidhja më e përfolur në show bizin ndërkombëtar muajt e fundit është ajo mes këngëtares me origjinë shqiptare, Dua Lipa dhe vëllait të supermodeleve, Gigi dhe Bella, 20-vjeçari Anwar Hadid.

Këngëtarja e njohur ka hyrë në këtë lidhje të re, pas ndarjes nga 31-vjeçari Isaac Carew dhe duket se ka gjetur lumturinë.

Por ndërsa çifti i ri duket se po i shijon pafund ditët e para të lidhjes, tashmë ka ardhur edhe reagimi i dy modeleve për këtë lidhje.

Mediat rozë shkruajnë se dy motrat Hadid kanë dalë kundër kësaj lidhje. Një person i afërt me Gigi dhe Bella Hadid është shprehur se dy supermodelet kanë frikë se vëllai i tyre i vogël, vetëm 20 vjeç, do të lëndohet nga kjo lidhje me këngëtaren 23-vjeçare Dua Lipa.

“Anwar ka qenë gjithmonë i ndjeshëm, ndërsa Gigi dhe Bella e kanë mbrojtur gjithmonë atë”.- ka thënë ai.