U morën në mbrojtje nga policia dhe garda, zbulohet kush e kërcënoi me jetë Klement Zgurin dhe familjen e tij

Ditën e sotme u mësua lajmi se kryetari i Komisionit Qendror të Zgjedhjeve Klement Zguri dhe familja e tij janë marrë në mbrojtje pasi u kërcënuan me jetë.

Mësohet se ai është kërcënuar në Facebook, nga një person i quajtur E.Pjetrini nga Shkodra i cili është shprehur se do të vrasë Zgurin dhe familjen e tij.

“O m*t, do të vras ty edhe familjen”, thuhet në mesazhin e dërguar në adresë të kreut të KQZ-së, Klement Zguri.

Ngjarja ndodhi menjëherë pas mbledhjes ku në KQZ ndodhën përplasje të ashpra në lidhje me hapjen e kutive të 30 qershorit.

Tashmë Klement Zguri është Klement Zguri është marrë në mbrojtje nga një numër i lartë efektivesh të Gardës së Republikës, të cilët ndodhën ne zyrën e tij, por edhe në ambientet e Komisionit Qendror të Zgjedhjeve.

Po ashtu mësohet se edhe familja e Klement Zgurit është marrë në mbrojtje nga forcat e rendit.

Mësohet se drejtuesit e lartë të Gardës dhe Policisë kanë shkuar sot në Institucionin Qendror të Zgjedhjeve, ku aktualisht mbahet në ruajtje kreu i KQZ-së.

Zguri ka mbajtur qëndrim të fortë për mosrealizimin e zgjedhjeve të 30 qershorit, madje ai ka qenë i vetmi ndër anëtarët i cili është larguar nga mbledhja në disa raste.