LIGJET E BIZNESIT
Një ngjarje tragjike ka ndodhur dje në Itali, ku një 17-vjeçar shqiptar humbi jetën pasi u fut për tu larë në lumë.
Sipas mediave italiane, viktima është identifikuar si Gesjan Muça banues në komunën Settimo Torinese, djali i një familjeje emigrantësh shqiptarë në Itali.
Ai kishte shkuar në lumë së bashku me tre shokët e tij, por kjo aventurë për fat të keq përfundoi tragjikisht.
Si shkak kryesor për këtë ngjarje të rëndë është bërë rryma e fortë e ujit dhe adoleshenti mbeti i bllokuar nëpër shkëmbinj pasi ishte zhytur nën ujë.
Shokët e tij që e shoqëronin lajmëruan menjëherë policinë, por përpjekja për t’i ardhur në ndihmë 17-vjeçarit shqiptar rezultoi e kotë.
