U lodhët me vapën? Ja kur fillojnë shirat me gjyma

Ditët e nxehta dhe vala e nxehtë sahariane duket se do të marrin fund bashkë me këtë fundjavë. Duke nisur nga dita e dielë, gradualisht, do të kemi hyrje të masave ajrore më të pa qëndrueshme veri-perëndimore dhe rrjedhimisht ulje të temperaturave.

Moti në mëngjes do të jetë me diell, por në mesditë vranësirat do të shtohen, ku do të fillojnë reshje shiu në zonën veri-perëndimore gjatë pasdites. Prej kësaj kohe, do të fillojë edhe freskimi i motit. Temperaturat do të jenë në rënie të lehta.

Zonat malore 17-29 gradë celsius

Zonat e ulëta 19-36 gradë celsius

Zonat bregdetare 20-33 gradë celsius.

Ditën e Hënë do të kemi reshje shiu dhe stuhi në të gjithë vendin, ku pritet dhe rënie e ndjeshme e temperaturave me 6-7 gradë celsius.