Një tragjedi shumë e rëndë ka tronditur boskin botëror. Pas vdekjes së rusit, Maxim Dadashev ka ndërruar jetë edhe boksieri argjentinas, 23-vjeçari Hugo Santillan.
Një lajm i tillë është konfirmuar edhe nga Këshilli Botëror i Boksit.
“Kemi marrë lajmin shumë të trishtë për vdekjen e boksierit Hugo Santillán sot në Spitalin San Felipe në San Nicolás, Buenos Aires”, thuhet në deklaratë.
Santillan pësoi një mpiksje të gjakut në tru në ndeshjen kundër kampionit uruguajan Eduardo Abreu.
Truri i tij ishte i enjtur duke sjellë probleme edhe në organet e tjera të trupit, duke e bërë të pamundur rikuperimin edhe pse iu nënshtrua dy herë operacionit.
