Tragjedi në Mesdhe, më shumë se 150 emigrantë të vdekur

Një tragjedi raportohet të ketë ndodhur këtë të enjte në brigjet afrikane të Detit Mesdhe.

Më shumë se 150 klandestinë afrikan mund të jenë mbytur në një varkë që ishte nisur nga brigjet e Libisë, thotë agjencia e Kombeve të Bashkuara për refugjatët.

150 të tjerë mësohet se janë shpëtuar nga peshkatarët dhe janë transportuar në brigjet e Libisë sipas UNCHR.

Ende nuk është e qartë nëse emigrantët ishin me dy apo një anije duke lundruar drejt brigjeve europiane, që u nisën nga qyteti Khoms, 120 km larg nga kryeqyteti i Libisë, Tripoli.