LIGJET E BIZNESIT
Vijojnë tenderët e dyshimtë të bashkisë Tiranë edhe në këtë mandat të dytë të Erion Veliajt në krye të saj. Këtë herë është zyrtari i lartë i Partisë Demokratike, Jamarbër Malltezi i cili shkruan për tenderin e rikonstruksionit të bulevardit “Zogu i Parë”. Shuma e tenderuar nga bashkia Tiranë për të rehabilituar këtë aks me gjatësi 1 kilometër është 10 milionë euro.
Sipas Malltezit kjo shumë është shumë e fryrë, pasi me 10 milionë euro kilometri u ndërtua ‘rruga e kombit’ nga e para. Ai e quan këtë tender të bashkisë së kryeqytetit një kopsitje të radhës, dhe nuk harron të përmende premtimin e Edi Ramës kur ishte kryebashkiak që e kishte restauruar këtë bulevard me premtimin se do duhen 70 vite që kjo rrugë të prekej sërish më dorë.
“E paimagjinueshme batërdia! Por prokuroria ka ikur në drejtim të paditur. Nuk gjen dot atë që përlau paratë dhe ju tha qytetarëve që për 70 vjet nuk ka pse mendojnë për rikonstruksion, nuk gjen dot as ata qerratallarët që “kopsisin letrat” që ca qerratallarë të tjerë të përlajnë për ndërrim pllakash më shumë sesa ndërtim tuneli,”- shkruan Malltezi ndër të tjera në profilin e tij në facebook.
Në fakt 70 vitet e premtuara nga Rama shkuan shume shpejt dhe bulevardi i dytë më i rëndësishëm i Tiranës është në një gjendje të rrënuar dhe është sërish një kryebashkiak socialist që e rikonstrukton, por çmimi që duhet të paguajnë qytetarët është goxha i kripur.
Postimi i i plotë i Jamarbër Malltezit.
