Presidenti Ilir Meta nuk i ka ndalur sulmet as mëngjesin e sotëm ndaj kryeministrit Edi Rama.
Duke i uruar mirëmëngjes shqitarëve, ai ka sqaruar sot deklaratën në konferencën e djeshme ku reformën në drejtësi e quajti ramaformë.
Me anë të një statusi në Facebook, Meta shkruan se shpjegimi se çfarë do të thotë Ramaformë është i thjeshtë: Zbatimi krijues i reformës.
“Timonieri ynë ka timon por s’ka frena, dhe si i tillë shquhet për “krijimtari” të papërmbajtshme.”, shton ndër të tjera Meta.
STATUSI I PLOTE I PRESIDENTIT ILIR META
Mirëmëngjes të dashur qytetarë!
Reforma apo Ramaforma? Kjo është çështja. Po çfarë është Ramaforma? Përgjigje e thjeshtë: Zbatimi ”krijues” i Reformës. Timonieri ynë ka timon por s’ka frena, dhe si i tillë shquhet për “krijimtari” të papërmbajtshme.
Pas pak po e nisim me Kryereformën në drejtësi meqënëse pas pak ditësh nisim festimet për 3-vjetorin e miratimit të saj me 140 vota, duartrokitje dhe puthje të papërmbajtura.
