Teuta fiton, por një gol nuk mjafton për kualifikimin

Është mbyllur që në turin e parë aventura e ekipit të Teutës në Europa League këtë sezon.

Ekipi durrsak arriti të fitonte 1-0 në ndeshjen e sotme në “Niko Dovana”, por fal humbjes në ndeshjen e parë 3-0 nuk mundi të kalojë në raundin tjetër të këtij kompeticioni.

Për ekipin e Shkëmbit shënoi Kallaku në fundin e pjesës së parë që zgjoi shpresat se Teuta mund t’ia dilte, por Ventspils u mbrojt shumë mirë dhe ia doli që të kalojë në raundin tjetër.