Tërmet i fuqishëm shkund Athinën, dëme masive, qytetarët në panik

Një tërmet i fuqishëm me magnitudë 5.3 ballë ka tronditur Athinën vetëm pak minuta më parë.

Lëkundja ka shkaktuar panik te qytetarët.

Qendra Europiane e Monitorimit të Tërmeteve raporton se epiqendra ka qenë në Mougala, 22 km në veriperëndim të qytetit.

Dëshmitarët shprehen se “tërmeti ishte i fortë por lëkundjet nuk kanë zgjatur më shumë se 15 sekonda”.

Të tjerë kanë treguar sesi njerëzit vraponin në rrugë, duke dalë me shpejtësi nga banesat.

Tërmeti shkaktoi ndërprerje të kufizuar të energjisë në qytet dhe zjarrfikësit raportuan se po merrnin thirrje për njerëzit që u bllokuan në ashensorë.

Deri më tani, nuk ka njoftime për persona të lënduar por vetëm për dëme materiale.