“Të marrin gjak në vetull” Deputeti socialist tregon kush janë “çunat problematikë” të Damian Gjiknurit

Mbrëmë në studion e emisionit “Open” me drejtuese Eni Vasilin u diskutua për krizën politike që po kalon Shqipëria dhe për mënyrën se si ajo do të zgjidhet.

Të ftuarit në studio kanë prekur edhe temat e diskutimit për përgjimet e dosjeve 339 dhe 184, ku si pjesë e tyre është dhe ish-ministri i Infrastrukturës dhe Energjisë, teksa thotë se në rast se do të ketë probleme në zgjedhje ai do të dërgojë disa “çuna problematikë” në qëndrat e votimit.

Por sipas kolegut të tij në PS, Alket Hysenaj, “çunat problematikë” janë të rinjtë e forumit rinor socialist që ‘të marrin gjak në vetull’.

“Çunat problematikë janë të rinj të FRESSH që të marrin gjak në vetull. Nëse ti (i drejtohet Çlirim Gjatës) nuk e njeh shprehjen popullore, ta them unë që të marrin gjak në vetull për të drejtën e tyre”, u shpreh Hysenaj.

Por kjo deklaratë u konsiderua nga Sekretari për Çështjet Ligjore në PD si një thirrje për dhunë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Kjo është thirrje për gjak dhe për dhunë. Uroj ta dëgjojnë ndërkombëtarët”, replikoi Çlirim Gjata.