Pasi ka mbaruar procesi i numërimit të votave në të gjithë vendin, mësohet se 60 bashki nga 61 prej tyre, do të udhëhiqen nga Partia Socialiste.
Mirëpo surpriza në këto zgjedhje është fakti se njëra bashki nuk do të ‘ngjyroset’ me rozë, dhe ajo është Bashkia e Finiqit ku kandidon Kristo Kiço, nga Partia Mega.
Kiço ka fituar garën për zgjedhjet lokalë me 3.333 vota përballë rivalit të tij Leonidha Hristo i cili mori 2160 vota.
Dy ditë më parë në zgjedhjet e 30 qershorit, opozita nuk mori pjesë, kështu që Partia Socialiste kandidoi e vetme në pjesën më të madhe të bashkive të vendit dhe fitoi 60 prej tyre, ndërsa partia Bindja Demokratike nuk arriti të fitonte asnjë bashki.
