Superaksion i policisë mes Shqipërisë dhe Italisë, arrestohen 17 persona të shumëkërkuar

Policia italiane ka zhvilluar një operacion anti-drogë mes Shqipërisë dhe Italisë mëngjesin e sotëm.

Mediat italiane shkruajnë se operacioni I koduar `Rruga e Detit´ është zhvilluar në agim mes Sardenjes, Emiglia Romagna dhe Shqipërisë.

Mësohet se ky operacion që kanë ndërmarrë karabinerët e Sassarit kanë cuar në pranga 17 persona, mes tyre shqiptarë dhe italianë.

Ata akuzohen për trafik ndërkombëtar lëndësh narkotike, shpërndarje drogë dhe pjesëmarrje në organizatë kriminale.

Operacioni u krye nga Departamenti Territorial i Karabinierëve të Olbia nën koordinimin e Drejtorisë së Përgjithshme të Antimafiave të Cagliarit dhe të Antiterrorizmit.