Policia ka arrestuar ditën e sotme një tjetër person lidhur me sulmin e KZAZ nr.19 në Dibër.
Mësohet se ai është sekretari i grup-seksionit të PD në Dibër, Melsen Nela.
32 vjeçari akuzohet se sulmoi me molotov KZAZ nr. 19 më 28 qershor.
Ngjarja ndodhi disa ditë më parë ku protestuesit që mbështesnin opozitën u përleshën me policinë në përpjekje për të hyrë në ambientet e KZAZ-së.
Nga përleshjet mbeti i plagosur një gazetar, dhe gjashtë efektivë të policisë.
