Sulmi ndaj eskortës së Ramës, gjykata liron zyrtarët e lartë të PD (EMRAT)

Gjykata e Apelit Durres ka lënë të lirë anëtarët dhe krerët e Partisë Demokratike të cilët ishin të pranishëm ndaj sulmit që u organizua kundër eskortës së kryeministrit Rama në Librazhd.

Mësohet se gjykata ka liruar Bujar Vreton, 48 vjeç, (Kryetari i Degës së PD-së Librazhd), Arjan Karriqi, 43 vjeç, nga Prrenjasi (Kryetari i Degës së PD-së, Prrenjas), Bujar Kojkun, 54 vjeç, nga Librazhdi dhe Dashamir Bojën, 47 vjeç, nga Shtërmeni.

Kujtojmë se një muaj më parë, një grup protestuesish tentuan të bllokojnë rrugën në dalje të Prrenjasit teksa Rama po nisej me eskortë drejt Librazhdit. Disa nga personat kanë hedhur në drejtim të eskortës sende rrethanore.

Të arrestuarit akuzohen për pjesëmarrje në tubime të paligjshme, pengim të qarkullimit, pengim të subjekteve zgjedhore.