LIGJET E BIZNESIT
Ka shkuar në 7 numri i viktimave si pasojë e motit të keq në Greqi, ndërsa dëmet llogariten të jenë kolosale.
Viktima e shtatë dyshohet se është një peshkatar që ishte shpallur i zhdukur që prej ditës së djeshme.
6 viktimat e tjera janë turistë dhe humbën jetën teksa ishin me pushime në ishullin e njohur Kalkidiki.
Mes personave që kanë humbur jetën është dhe një fëmijë 8-vjeçar nga Rumania, që ndodhej në Greqi për pushime së bashku me familjen e tij. Po ashtu një 54-vjeçare nga Rumania ka humbur jetën, po mbetet ende e pakonfirmuar nëse ka lidhje familjare me fëmijën 8-vjeçar.
Ngjarjet ekstreme të motit i kushtuan jetën dhe një çifti njerëzish të moshuar nga Republika Çeke, makina e të cilëve u përmbys nga erërat e forta. Së bashku me ta, djali i tyre u plagos dhe u shtrua në spital, dhe nipi i tyre, i cili është 18 vjeç, është mirë në shëndetin e tij, por është tronditur nga e gjithë skena që ka parë me sy.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Dy të vdekur të tjerë u shënuan Nea Potidea, ku një pemë goditi 39 vjeçarin rus dhe djalin e tij, rreth dy vjeç, që jetonin në një njësi hotelesh në zonë.
Problemet më të mëdha nga moti janë shfaqur në rrugë, në rrjetin hekurudhor, si dhe në sistemin elektrik të vendit, ndërsa shërbimi zjarrfikës është prej orësh në këmbë për tiu dhënë ndihmën qytetarëve të prekur.
Dje, të gjitha spitalet dhe qendrat shëndetësore në Greqinë Veriore, kanë qenë në gjendje gadishmërie për ti dhënë ndihmën e parë çdo qytetari në nevojë.
Ministri i Mbrojtjes Nikos Panagiotopoulos zbuloi në radio stacionin “THEMA 104,6” se ushtria do të dërgojë forca dhe makineri për të ndihmuar për të hequr pasojat e stuhisë që prekën isjhullin.
“Forcat e Armatosura janë të gatshme dhe janë të pajisura me makina për të riparuar dëmet”, tha ministri, që shtoi se të gjithë qytetarët duhet të qëndrojnë të bashkuar për të përballuar këtë fatkeqësi.
