LIGJET E BIZNESIT
Ditën e sotme Partia Demokratike ka denoncuar me anë të një video se si mazhoranca ka vjedhur votat në zgjedhjet vendore të 30 qershorit.
Ish-deputeti i PD Oerd Bylykbashi ka treguar pamjet ku shihet një komisioner i Partisë Socialiste duke plotësuar vetë fletët e votimit dhe më pas i ka hedhur vetë në kuti.
“KQZ më datë 30 qershor deklaroi vazhdimisht shifra të manipuluara të atyre që morën pjesë në votim. Kjo maskaradë është bërë me urdhër të Edi Ramës. Është një mekanizëm i tërë që është vënë në zbatim me urdhër të Ramës. Vetëm 15 përqind e shqiptarëve kanë votuar dhe nuk është arritur ajo shifër që do të donte Rama. Sot iu paraqesim provën: Mbushja e kutive të votimit me vota nga komisionerit. Siç e shikoni, këtu është një KZAZ në Kavajë, e cila është e hapur”-tha ai duke publikuar këtë video.
