Kanë dalë emrat e 4 personave që u plagosën ditën e sotme nga shpërthimi i fuqishëm që ndodhi në zonën e Ish-Bllokut në kryeqytet.
Bëhet me dije se ata janë bashkëshortët Sokol dhe Alma Pirra, të cilët janë pronarët e argjendarisë që ndodhet pak metra larg shpërthimit.
Po kështu të plagosur kanë mbetur dhe dy të rinj, përkatësisht Eneda Nura 18 vjeç dhe Ardanoel Serani 23 vjeç.
Ata ndodhen në gjendje më të mirë shëndetësore.
Lajmi konfirmohet nga burime të sigurta pranë policisë si dhe nga QSUT-ja.
Bashkëshortët Pirra po marrin mjekim pranë djegie plastikës ndërsa dy të plagosurit e tjerë ndodhen në Spitalin e Traumës.
NJOFTIMI I QSUT PER DY TE PLAGOSURIT SOKOL DHE ALMA PIRRA
Drejtoria e Qendrës Spitalore Universitare “Nënë Tereza” bën të ditur se sot në datën 15.07.2019 në Shërbimin e Djegie-Plastikës kanë ardhur me urgjencë në gjendje të rëndë shëndetësore me djegie në të gjithë trupin, pacientët me inicialet S.P, 52-vjeç dhe A.P, 43-vjeçe. Gjendja e tyre shëndetësore sipas mjekëve të shërbimit të Djegie Plastikës, paraqitet e rënduar si pasojë e djegieve të rënda në të gjithë sipërfaqen e trupit.
Stafi mjekësor i QSUT është në gatishmëri të plotë për tu kujdesur për këta pacientë, duke zbatuar të gjitha protokollet mjekësore dhe duke i mbajtur në monitorim të vazhdueshëm në reanianimacionin e shërbimit të Djegie Plastikës.
