Shpërthimi i transformatorit në autostradë, ndërron jetë një nga të plagosurit (EMRI)

Mësohet se njëri prej të plagosurve nga shpërthimi i transformatorit në autostradën Tiranë-Durrës ka ndërruar jetë.

Si pasojë e shpërthimit u plagosën 3 persona të cilët ishin të punësuar në një firmë pranë vendit ku ndodhi ngjarja: Sari Çollaku, Fari Çollaku dhe Gjergji Sula, ky i fundit nuk mundi të mbijetonte nga plagët e marra.

Në një informacion paraprak, policia e Tiranës thotë se shpërthimi ndodhi në afërsi të një objekti në rikonstruksion si pasojë e një shkëndije elektrike.

NJOFTIMI ZYRTAR I POLICISE

Rreth orës 12.00, në autostradën Tiranë – Durrës në afërsi të një objekti në rekonstruksion si pasojë e një shkëndie elektrike ka shpërthyer një transformator elektrik.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Si pasojë e shpërthimit kanë mbetur të dëmtuar 3 punonjës e këtij objekti shtetasit GJ. S, S. Ç dhe F. Ç të cilët u dërguan në spital për ndihmë mjeksore.

Grupi hetimor ndodhet në vendngjarje dhe po vijon punën për sqarimin e metejshëm të rrethanave të ngjarjes.

INFORMACIONI NGA OSHEE

Për shkak të punimeve të nje kompanie, në autostradë, ku dy punëtorë të kësaj firme kanë shkurtuar distancën me linjën 110 kV të OST, cka ka shkaktuar masë, ka mbetur për disa minuta i stakuar NST Kashar.
Ky defekt la pa energji bizneset përgjatë autostradës, zona e Kamzës, Vora dhe Mëzez.
Grupi i punës së avarisë së OSHEE mori masa për furnizimin menjëherë të nstacionit me linjën rezervë dhe aktualisht kanë marrë energji të gjithë zonat e lartpërmendura.
Aktualisht kemi stakuar për masë vetëm fiderin që furnizon me energji zonën pranë Coca Colës.