Shpërthim i fuqishëm me eksploziv në një lokal në Tiranë

Një shpërthim i fuqishëm me eksploziv ka ndodhur sot orët e para të mëngjesit te dera e një lokali në lagjen “Komuna e Parisit në Tiranë”.

Persona të paidentifikuar me një makinë ‘Audi’ e kanë hedhur eksplozivin tek dera e lokalit, i cili më pas ka shpërthyer.

Policia bën me dije se nga shpërthimi ka vetëm dëme materiale.

Ndërkohë po punohet për identifikimin dhe kapjen e autorëve.

NJOFTIMI ZYRTAR I POLICISE

Më datë 26.07.2019 në orët e para të mëngjesit, në rrugën “Komuna e Parisit”, në pjesën e derës së një lokali, ka shpërthyer një sasi e vogël lënde e dyshuar plasëse, duke shkaktuar vetëm dëme materiale. Shërbimet e policisë po punojnë për identifikimin dhe kapjen e autorit.