Shpërthen bombola e gazit në banesë, plagosen burrë e grua

Një ngjarje e rëndë ka ndodhur në orët e para të mëngjesit të sotëm në Selenicë, ku si pasojë e një shpërthimi të bombolës së gazit në banesë, kanë mbetur të plagosur një cift bashkëshortësh.

Mësohet se nga shpërthimi kanë mbetur të plagosur çifti i bashkëshortëve, burri me iniciale R.S 49- vjeç dhe gruaja M.S 42-vjeç.

Kjo e fundit ndodhet në gjendje të rëndë shëndetësore dhe do të niset drejt Tiranës për mjejkim më të specializuar.

Policia njofton se nuk ka persona të tjerë të lënduar dhe nuk ka rrezik nga zjarri që të përhapet në banesat e tjera.

Grupi hetimor ka mbërritur në vendngjarje dhe po punon për zbardhjen e shkaqeve dhe rrethanave të zjarrit.