LIGJET E BIZNESIT
Ditën e sotme kryetari i Kuvendit Gramoz Ruçi ia ka dorëzuar stafetën kryeministrit Edi Rama për të shkarkuar Arben Malajn nga posti i anëtarit të Këshillit Mbikëqyrës në Bankën e Shqipërisë.
Më 16 korrik ishin 28 deputetë të Partisë Socialiste të cilët depozituan në Parlament kërkesën për shkarkim me pretendimin se Malaj kishte shkelur kodin e Etikës së Bankës së Shqipërisë.
Por në seancën e sotme parlamentare kryetari i Kuvendit Gramoz Ruçi deklaroi se kompetencë për kërkesën për shkarkim nuk e kanë deputetët por qeveria.
“Lidhur me këtë cështje njoftoj nismëtarët dhe kuvendin se kërkesa nga ana ime i është përcjellë Këshillit të Ministrave për kompetencë, pasi në zbatim të nenit 47/1 të ligjit për BSH Këshilli i Ministrave është ai që nis procedurën dhe nëse ai e nis vihen në lëvizje procedurat e tjera sipas rregullores së Kuvendit, komisionet dhe mandej seanca e Kuvendit.” u shpreh Ruci sot ne fillim te seances.
Në shkresën e firmosur nga 28 deputetë me në krye kryetarin e grupit parlamentar Taulant Balla thuhej se Arben Malaj ka shkelur Kodin e etikës së Bankës së Shqipërisë pasi “në cilësinë e anëtarit të Këshillit Mbikqyrës, në daljet publike ka trajtuar tema me natyrë thellësisht politike, në kundërshtim të hapur me kompetencat e pozicionit të tij”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër Malaj e komentoi si hakmarrje politike e socialistëve.
