LIGJET E BIZNESIT
Policia ka arrestuar shoferin e drejtorisë së Ujësjellës Kanalizimeve në Durrës dhe një person tjetër.
Ata kanë rënë në prangat e policisë pas operacionit të koduar “Porosia e fundit” për veprat penale të vjedhjes dhe shpërdorimit të detyrës.
Uniformat blu bëjnë me dije se është arrestuar A. Gj., 50 vjeç, me detyrë shofer pranë Drejtorisë UKD dhe një 56-vjeçar me iniciale S.P. 50 vjeçari me automjetin e kësaj ndërmarrjeje shpërndante ujë për subjekte dhe persona të interesuar kundrejt pagesës.
NJOFTIMI ZYRTAR I POLICISE
Pas hetimeve disa mujore në kuadër të procedimit penal të nisur në vitin 2018, u arrestua A. Gj., 50 vjeç, banues në lagjen Nr.4, Durrës, me detyrë shofer pranë Drejtorisë UKD sh.a..
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shoferi i UKD-së, me automjetin e kësaj ndërmarrjeje shpërndante ujë për subjekte dhe persona të interesuar kundrejt pagesës.
Po ashtu u arrestua S. P., 56 vjeç, banues në lagjen Nr.17, Durrës, sepse vidhte ujë në tubacionin e UKD sh.a., Durrës, duke e tregtuar në subjekte dhe persona të interesuar.
Punonjësi i UKD-së A. Gj., do të hetohet nga Prokuroria e Durrësit për veprat penale “Vjedhja duke shpërdoruar detyrën” dhe “Shpërdorim i detyrës”. Ndërsa S. P., për veprën penale “Vjedhja”.
