Mbrëmjen e djeshme në Vitulazio, në zonën e Kasatrës, policia italiane arrestoi dy shqiptarë, përkatësisht Reiz Datja 20 vjec dhe Indrit Turshilla 21 vjec.
Të dy u dërguan në paraburgim me akuzat për trafik droge.
Gjatë një kontrolli të trafikut rrugor, i kryer në Vitulazio përgjatë rrugës shtetërore të Appia, policët urdhëruan një makinë tip Opel Corsa që të ndalej. Brenda automjetit gjendeshin 4 persona, shkruajnë mediat italiane.
Shoferi, në vend që të ndalonte, ka shtuar shpejtësinë, duke u larguar. Pas kësaj, karabinierët kanë ndjekur makinën dhe kanë mundur të arrestojnë dy shqiptarë pranë një karburanti. Dy pasagjerë të automjetit u bllokuan, ndërsa 2 të tjerët kanë mundur të ikin me vrap nëpër fushat dhe fshatrat përreth.
Gjatë kontrollit në makinë, policia gjeti sende të vjedhura dhe drogë të llojit marijuanë. Të arrestuarit u dërguan në burg në Santa Maria Capua Vetere.
