Në seancën e sotme parlamentare që po mbahet në Kuvend ish-ministri i Shëndetësisë Ilir Beqja ka propozuar që deputetët të mos miatojnë projektligjin ““Për disa ndryshime dhe shtesa në ligjin nr.9636, datë 6.11.2006, “Për mbrojtjen e shëndetit nga produktet e duhanit”.
“Do kërkoja që ky ligj të mos votohet sot, për zbatimet që ne i bëjmë këtij ligji. Nuk është e drejtë të rëndojmë me këtë projektligj shkelës”, tha Beqja.
Por kjo kërkesë nuk u pranua nga Ruçi, i cili u shpreh se arsyetim nuk është i mjaftueshëm, duke i kërkuar atij që të denoncojë rastet konkrete duke nisur prej vetë atij që është duhanpirës.
REPLIKAT: Beqaj:Do kërkoja që ky ligj të mos votohet sot, për zbatimet që ne i bëjmë këtij ligji. Nuk është e drejtë të rëndojmë me këtë projektligj shkelës.
Ruçi: Nuk e kuptova të marrim angazhim ne për të miratuar ligjin, s’është arsye, kjo është retorikë, që t’i denoncosh rastet duke filluar nga mua si duhanpirës.
