Rudina Hajdari vë alarmin: Ky ligj shkakton dëme të mëdha, qeveria duhet të tërhiqet

Hartimin e projektligjit të “Korporatës së Investimeve në Republikën e Shqipërisë”, deputetja e opozitës Rudina Hajdari e ka cilësuar si një abuzim dhe afërë korruptive të qeverisë.

Sipas Hajdarit ky është një ligj që cënon tregun e lirë dhe nuk i nënshtrohet asnjë modeli të së Drejtës Komunitare.

Në këtë rast zgjidhja sipas deputetes është që qeveria të tërhiqet pasi ky ligj do i shkaktonte dëme të madhe dhe të pariparueshme buxhetit të shtetit shqiptar .

REAGIMI I PLOTE I DEPUTETES RUDINA HAJDARI

Ajo që dua të vë në dukje, është qartazi abuzimi dhe korrupsioni i aferës qeverisëse sot, në hartimin e projektligjeve si ajo: e “Korporatës së Investimeve në Republikën e Shqipërisë”. Ky projektligj:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

1. Nuk i nënshtrohet asnjë modeli të së Drejtës Komunitare;
2. Cënon tregun e lirë dhe i jep pavarësi KISH-it ( Korporatës së Investimeve Shqiptare) në përzgjedhjen e projekteve individuale të investimeve.

Por, si arrijmë në një konkluzion të tillë?

1. Raporti i detajuar i FMN-së në lidhje me këtë projektligj është shumë i qartë dhe nuk lë shkas për interpretime të tjera, dhe,
2. Ky projektligj nuk ka një institucion apo organ kontrollues monitorimi, pra mbetet jashtë kontrollit të fortë të prokurimeve.

Por, cila është zgjidhja?

Ajo është vetëm një: Parandalimi paraprak në tërheqjen e kësaj nisme korruptive, si një projektligj fare i panevojshëm, i cili do t’i shkaktonte dëme të mëdha dhe të pariparueshme buxhetit të shtetit shqiptar, në borxhin e pashlyer dhe në disiplinën fiskale të tij.

Grupi parlamentar demokrat do të votojë kundër këtij projekligji.