Deputetja e opozitës së re Rudina Hajdari është shprehur sot se është kundër ngritjes së Komisionit Hetimor për shkarkimin e presidentit Ilir Meta.
Ajo ka deklaruar se konflikti mes Ramës dhe Metës është personal dhe se procedura e shkarkimit të tij mund të shtyhet.
Ndër të tjera Hajdari shprehet se ka kërkuar që ngritja e komisionit hetimor të shtyhet dhe se kjo procedurë të diskutohet kur të jetë funksionale Gjykata Kushtetuese.
“Ne e shohim konfliktin mes Ramës dhe Presidentit si një përplasje personale dhe prandaj ne kërkojmë që ky komision hetimor të shtyhet dhe të ridiskutohet kur të kemi një Gjykatës Kushtetuese funksionale.
Nuk kemi pse nisim një procedurë dhe më pas ta lëmë përgjysmë”, tha Hajdari.
