LIGJET E BIZNESIT
Në këto ditë të nxehta të korrikut, kur të gjithë janë duke pushuar apo duke bërë planifikimet e fundit për t’u relaksuar, Basha po mendon për ristrukturimin dhe riorganizimin e Partisë Demokratike.
Kreu i PD pak ditë më parë prezantoi të gjithë njerëzit që janë komanduar për të koordinuar punët në rrethe. Surprizat ishin të mëdha dhe me figura demokrate që pak lidhje kishin me rrethet, ku ata do të punojnë këto kohë. Por përtej këtyre lëvizjeve, që nga lidershipi i PD justifikohen me kriterin që ta nuk duhet të lidhen me rrethet, ku mund të kandidojnë për deputet për shmangur nepotizmin, ka edhe nga ato zgjedhje që ky kriter nuk i justifikon.
Për shembull, janë plot 6 anëtarë të zgjedhur të kryesisë të PD që janë lënë jashtë kësaj liste për të koordinuar punën e PD në rrethe. Dhe emrat për të cilët po flasim, nuk janë dytësorë, por nga ata që në këto 5 vite kanë qenë në vijën e parë të betejave që PD ka bërë. Tomor Alizoti, Abi Malltezi Izmira Ulqinaku, Eno Bozdo, Grida Duma, dhe Fatbardh Kadilli janë emra me peshë që Basha nuk i ka përfillur.
Mes ketyrë sigurisht që Alizoti, Malltezi dhe Duma zënë në vend të veçantë dhe me impakt të madh në PD, por edhe në jetën politike të vendit. Nëse Alizoti ka qenë kritik disa herë dhe Malltezi nuk mund të thuhet se është një mbështetës i flaktë i Bashës, mungesa e Grida Dumës shikohet më shumë dyshime.
Ajo është një nga njerëzit që në PD-në e Bashës në këto 6 vite është promovuar pa fund. Por ashtu siç ka ndodhur në aksionin e 7 muajve të fundit, Duma është lënë mënjanë edhe në këtë organizim të ri të PD-së. Nuk mund të thuhet me siguri se mes Bashës dhe këtyre personazheve ka një çarje në marrëdhënie, por dyshimet janë legjitime që të ngrihen. ©Fast News Albania
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
