Nga selia e PD, ish-deputeti Luçiano Boçi sulmoi ashpër kryeministrin Edi Rama për mospërmbushjen e asnjë prej kërkesave të studentëve për reformën në arsim.
Në denoncimin e tij, Boçi theksoi se qeveria socialiste nuk ka përgjysmuar tarifat për sistemin universitar. Më tej ai premtoi se PD-ja parashikohen dyfishimin e buxhetit për arsimin e lartë dhe reduktim të tarifave.
“Tarifat e studentëve për ciklin e parë dhe të dytë të sistemit universitar dëshmojnë qartë mashtrimin e Ramës ndaj kërkesave legjitime të studentëve të shpalosura në protestat e dhjetorit për uljen e tyre.
Për këtë vit akademik nuk do të ketë as përgjysmim, as për sistemin bachelor dhe as rishiki. Studentët dhe familjet e tyre do të paguajnë si më parë pikë më pikë të gjithë mundin dhe djersën e tyre për shkollim, sepse Rama me klientët e tij duan të majmen me PP-ra dhe konçensione.
Mijëra të rinj me të ardhura modeste. Qindra të tjerë do t’ju dorëzohen skllavërisë moderne. Mijëra do të jenë dhe ata që për arsye të tarifave më të larta se në Gjermani, ejt do të ndërpresin ëndrrat e tyre përt një master profesional dhe shkencor.
Do t’u bashkangjiten ushtrisë së 50 mijëve. Ata do t’u drejtohen shumë universiteteve të rajonit.
Sot asnjë prej kërkesave të studentëve nuk është plotësuar. Mashtrim është dhe premtimi për kartën e studentit, mashtrim dhe gjendja e konvikteve. Mashtrime dhe “vettingu” për plagjiaturat, që përfundoi me vendosjen e plagjiatëve në kryetarë bashkish.
Rama nuk ka të sotme dhe të ardhme për të rinjtë tanë, ndaj duhet larguar.
PD-ja është e vendosur për dyfishim të buxhetit nga 36 milionë euro në 72. Do të bëjë të mundur që për familjet me të ardhura në 640 mijë lekë në muaj të subvenciohen në masën 100%. Për të tjerët do të ketë përgjysmim të tarifave për nivelin Bachelor dhe Master do të akordohen mjaftueshëm para për 5000 bursa që janë në gjendje ekonomike katastrofale.
Nën drejtimin e vendit nga PD-ja nuk do të mbetet as dhe një djalë apo vajzë shqiptare që nuk do të mbetet pa studime për shkak të gjendjes së rëndë ekonomike të familjes së tyre”, përfundoi Boçi.
