LIGJET E BIZNESIT
Vllaznia është në një moment kritik, ku duhen më pak se 2 muaj nga fillimi zyrtar i kampionatit. Ekipi shkodran është rikthyer në Superligë, por nuk do të ishte çudi nëse do të binte sërish edhe në sezonin që po afron.
Por sikur të mos mjaftonte kjo situatë e paqartë te Vllaznia sot është shfaqur edhe një tjetër problem. Është kryetari i ri i bashkisë Shkodër, Valdrin Pjetri, i cili ka folur për gjendjen e ekipit kuqeblu duke shigjetuar administratorin aktual, Suad Lici.
Pjetri e ka akuzuar Licin për lëvizjet që po bën në ditët e fundit në merkato, si një tentativë për të mbuluar gabimet e tij dhe si qokat e fundit.
“Administratori Lici të jetë i kujdesshëm me blerjet që është duke bërë. Nuk është momenti për të bërë qokat e fundit në blerjet e lojtarëve që janë rezerva në ekipet më fundore. Ky është i vetmi mesazh që kam për administratorin. Vllaznia nuk është as e tija as e kryetarit të bashkisë, por është e të gjithë shkodranëve. Nuk mund të behën qoka në blerjet e lojtarëve. Ju e dini shumë mirë se çfarë është duke ndodhur. Thjesht e këshilloj të jetë i kujdesshëm. Gjërat e tjera janë për t’u parë. Qoftë privatizimi apo dhe e ardhmja e drejtuesve”,- ka thënë Valdrin Pjetri
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
