Rama nuk tërhiqet, konfirmon shembjen e Teatrit Kombëtar: Asnjë minorancë nuk mund ta marrë peng këtë vend

Pas përplasjeve të ndodhura në Teatrin Kombëtar midis artistëve, qytetarëve dhe policisë, ka ardhur dhe reagimi i kryeministrit Edi Rama.

Kreu i qeverisë këmëngul se Teatri i Ri do të bëhet pavarësisht qëndresës. Ai shton se asnjë minorancë nuk mund ta ndalë këtë projekt.

“Asnjë minorancë nuk mund të marrë peng asgjë e askënd në këtë vend.Megjithë respektin për një minorancë aktorësh teatri dhe politikanësh që s’kanë hyrë kurrë në teatër, po janë mësuar të bëjnë teatër me çdo gjë,Teatri i ri Kombëtar do të ndërtohet si plan e përgjegjësi qeverisëse,. Teatrin e ri Kombëtar e kërkon kryeqyteti, vendi, kombi e shumica e komunitetit të artistëve të skenës. Njësoj si Stadiumi i Ri kombëtar ai do të jetë një gur kilometrik në rrugën e Shqipërisë që duam.Kush s’është dakord është i respektuar,po s’ka as mandat as të drejtë të pengojë.”-shkruan Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern