Prej kohësh vazhdon të ziejë debati në lidhje me Teatrin Kombëtar, nëse duhet shëmbur apo jo godina për të ndërtuar një të ri.
Kryeministri Edi Rama vijon ti qëndrojë idesë se duhet ndërtuar një teatër i ri dhe kësaj herë ka cituar mesazhin e aktores Ema Andrea dhe shkruan se ajo është një nga emrat më të spikatur të skenës që mbështet projektin e qeverisë.
POSTIMI I KRYEMINISTRIT EDI RAMA
Ja sa qartë dhe bukur shprehet dhe Ema Andrea, një ndër emrat më të spikatur të skenës, në mbështetje të ndërtimit të Teatrit të ri Kombëtar:
EMA ANDREA:
Unë do doja t’i përkisja sot, si Ema, brezit që po ndërton të ardhmen, pra të vihet një gur sot që mua të më përfaqësojë në 2220. Më pëlqen arkitektura e re, më pëlqejnë sfidat kontemporane. Jam për një teatër të ri, për më tepër kur thuhet se ka këto kushte, por tani meqë janë këto kushte dhe ne i dimë dhe po i themi hapur të gjitha kushtet, kush e mban përgjegjësinë?
